O luns día 18 de decembro o alumando de 1º e 4º ESO enfrontouse a un novo reto de origami. O alumnado que participou na actividade superou todos os retos que se lles propuxeron.
lunes, 18 de diciembre de 2023
Slime
Na reunión do club de ciencias deste luns, 18 de decembro, o alumnado do club de ciencias de 3º da ESO elaborou un slime. O slime é semellante a plastilina viscosa e mol que ten unha alta resistencia e que se pode estirar sen romper. Serve para axudar a motricidade e tamén como desestresante. Cuns ingredientes que se poden atopar en calquera fogar (bicarbonato de sodio, líquido de lentillas e cola branca) puidemos facer o noso slime caseiro. Engadímoslle un colorante fluorescente e outro termocrómico.
É moi interesante ver a súa fluorescencia cunha lámpada UV, e co colorante termocrómico puidemos observar como cambia de cor ao cambiar a súa temperatura.
Diseño e impresión 3D
O alumnado de 1º Bacharelato e de 2º ESO participou nunha actividade deseño e impresión 3d. A actividade que consiste en facer un deseño 3D dunha molécula de auga. O software utilizado para o deseño é 123D Desing (gratuito).
Para elo, o alumnado deseñou dúas esferas, a maior para o átomo de osíxeno e a menor para o hidróxeno. Tamén deseñaron os dous enlaces con forma de cilindro. Os enlaces encaixan a presión nas esferas para poder montar a molécula.
Durante a sesión imprimiuse unha molécula como mostra. Posteriormente iranse imprimindo as feitas polo alumnado.
jueves, 14 de diciembre de 2023
lunes, 4 de diciembre de 2023
REFERENTES FEMININOS NA CIENCIA
O Club de Ciencia promoveu que a exposición itinerante Mulleres na Ciencia estivese no noso Centro durante a primeira quincena de decembro. A mostra, posta en marcha polo colectivo eXXperimenta en Feminino do campus de Ourense, está formada por 14 pósters sobre mulleres cun destacado papel na investigación científica e tecnolóxica. De cada protagonista, a exposición recolle información da súa traxectoria, achegas que fixo así como dos premios ou recoñecementos recibidos en vida e posteriormente.
Esta selección de mulleres inclúe figuras dende a investigación básica á aplicada, dende o ámbito galego ao internacional e dende a física á informática. Concretamente ofrece infomación da física Mileva Maric, da tecnóloga dos alimentos Concepción Llaguno, da bioquímica Margarita Salas, das farmacéuticas e químicas Tarsy Carballas, Mª Jesús Núñez e Teresa Toral, da astrónoma Antonia Ferrín, da física e pioneira en apicultura Eva Crane, da microbióloga Esther Lenderberg, da enfermeira Isabel Zendal, da enxeñeira química Frances Arnold, da programadora Ada Lovelace, da química e nutricionista Elsie Widdowson e da psicóloga e bióloga Linda B. Buck.
No Club de Ciencia sempre apoiaremos este tipo de iniciativas que permiten que o noso alumnado teña a posibilidade de coñecer e achegarse a importantes referentes femininos no campo das ciencias, ao tempo que promove a vocación científica entre as adolescentes, eliminando o estereotipo de que as carreiras e as profesións científicas e tecnolóxicas non son para as mulleres.