Ao
lado do Departamento de Matemáticas atopamos un taboleiro no que ao longo do
curso se expoñerán fotografías, gráficos, estudos... relacionados coas
matemáticas. Detédevos a miralo e, de seguro, que sempre haberá algo que vos
resulte interesante. Comezamos este curso coa exposición Terror
matemática realizada polo alumnado de 3º da ESO e que vos fará tremer de
medo!
lunes, 25 de octubre de 2021
ESTUDO SOBRE A REPRODUCIÓN DAS PLANTAS
Comezamos co
alumnado do Club de Ciencia de 3º ESO un estudo sobre a reprodución vexetal: empezamos
coa xerminación de garavanzos e o alumnado irá tomando datos que nos axudarán a entender este
proceso natural.
1ª XUNTANZA NO CLUB DE CIENCIA
Despois de degustar unha doce sobremesa como comentabamos na entrada anterior, púxemonos mans á obra e iniciamos os nosos obradoiros cun para elaborar barras de labios. Resultou unha aprendizaxe moi divertida e produtiva!
BENVIDA AOS MEMBROS DO
CLUB DE CIENCIAS DO CURSO 2021-2022
Hoxe, ás 15.00h celebramos un acto de benvida aos membros da
nova edición do Club de Ciencia no que degustamos uns petiscos de sobremesa e así facer unha primeira toma de contacto e coñecernos entre nós. Cada alumno e alumna identificouse e fixo a súa propia chapa.
domingo, 17 de octubre de 2021
COMPROMETÉMONOS
COS OCÉANOS
Un ano máis, convocados por ADEGA (Asociación para a
Defensa Ecolóxica de Galiza), o venres, 15 de outubro, limpamos co alumnado de
1ª da ESO o areal de Traba, co obxectivo de conciencialo sobre a contaminación
mariña producida sobre todo polo plástico.
Aproveitamos tamén a saída para darlle a coñecer ao alumnado o gran valor ecolóxico deste lugar, declarado Espazo Natural protexido da Lágoa e Dunas de Traba e recoñecido como Zona de Especial Pretección de Aves (ZEPA) e Lugar de Interese Comunitario (LIC). O interese natural desta lágoa céntrase principalmente no gran número de aves invernantes que nos visitan no seu camiño a África. Tivemos a sorte de poder observar unha garza real (Ardea cinerea) nos campos á beira da lágoa e a herba de namorar (Armeria marítima) nas dunas.
Ao
regresar fixeron unha pequena exposición na entrada do Centro co plástico recollido
(uns 50 quilos) e clasificado para que todos sexamos consciente da variedade de
residuos que se verten nas nosas augas e que repercuten gravemente no medio
natural.
Sabiades que
Uns10 millóns de toneladas de plástico rematan cada ano nos oceános.
Os oceános reciben 200 kg de plástico por segundo.
90% das aves mariñas teñen fragmentos de plástico no estómago.