FOTOGRAFÍA MATEMÁTICA

 

Durante o actual curso dende o Departamento de Matemáticas realizouse un proxecto sobre fotografía matemática. No vídeo que vos deixamos aquí recóllense as mellores das que se recompilaron.

Fotografía matemática.

 

Aquí vos deixamos as fotos do proxecto de Fotografía Matemática máis destacadas das realizadas durante este curso e que foron todas colgadas no taboleiro de matemáticas.

Fotografía Matemática

        Por segundo ano consecutivo dende o Club de Ciencia animámosvos a botar unha ollada á vosa contorna para que vos deades conta de que as matemáticas están por todas partes. Collede o voso móbil, se tendes cámara fotográfica mellor, e tirade fotos que reflictan dunha maneira directa algún concepto matemático. Despois poderedes explica exactamente que é o que se amosa na foto e, a final de curso faremos unha exposición con todas as que nos enviedes. Veredes como se converte nunha ferramenta didáctica que, ademais de aprender, estimula a vosa creatividade!

 

FOTOGRAFÍA MATEMÁTICA

              Durante este curso que iniciamos levaremos a cabo un proxecto de fotografía matemática. Pero... que é a fotografía matemática? Pois é aquela cuxo contido ten que ver, de forma clara e evidente, con algún aspecto das matemáticas como a xeometría, a aritmética, o cálculo numérico ou a estadística.

              Se botades unha ollada á vosa contorna, constataredes que as matemáticas están por todas partes. Collede o voso móbil, se tendes cámara fotográfica mellor, e empezade a realizar fotos que reflictan dunha maneira directa algún concepto matemático. Despois poderedes explica exactamente que é o que se amosa na foto e, a final de curso faremos unha exposición con todas as que nos enviedes. Veredes como se converte nunha ferramenta didáctica que, ademais de aprender, estimula a vosa creatividade!