Recreos científicos
Holografía
A holografía é unha técnica de fotografía que consiste en crear imaxes tridimensionais basedas no emprego da luz. Aínda que estas imaxes resulten sorprendentes, non son hologramas. A imaxe que estamos vendo non se forma pola superposición das catro imaxes do vídeo, trátase simplemente do fenómeno da reflexión.
CONCURSO SOBRE MITOS DA ALIMENTACIÓN
Dende o Departamento de Educación Física convocouse un Concurso para o alumnado de 1º de Bacharelato en formato Kahoot, sobre crenzas da alimentación desmentidas pola ciencia.
Colaboraron dúas alumnas Rania e Lucía Varela, explicando en maior profundidade as respostas correctas.
Podedes probar a realizar o concurso na plataforma Kahoot a través do seguinte enlace
https://create.kahoot.it/share/mitos-da-alimentacion/a50fb95c-5adb-40bd-ac0e-5c113efc59be
Recreos científicos
Combater o Coronavirus con moitos ovos
Como o xel hidroalcohólico inactiva o Coronavirus? A través da desnaturalización da clara de ovo mesturándoa con xel hidroalcohólico obsérvase o efecto deste sobre as proteínas que serven de “chave” para que o virus penetre nas nosas células.
Recreos científicos
Ilusións ópticas
Algo tan lúdico como é a arte pode esconder algo de interese matemático. Mediante a disposición xeométrica pódese enganar o sistema visual, dende o ollo ao cerebro, e lévao a percibir as cousas de forma distorsionada. este pode facer que se perciba algo que non está presente, dando unha imaxe deformada da realidade.
Día da Ciencia en Galego
Hoxe, xoves 4 de novembro, para celebrar o Dia da Ciencia en Galego invitamos a Estíbaliz Espinosa: muller, galega, escritora, filóloga, tradutora, socióloga, divulgadora científica...
Reflexionamos sobre a conxunción de poesía e ciencia. En palabras da nosa invitada: A poesía ten moito que ver coa ciencia; ambas nacen da necesidade de explicar o noso mundo, os nosos sentimentos, o lugar no que nos atopamos.
Sete constelacións que xa non son invisibles, así introduciu a autora a un grupo de científicas silenciadas no seu tempo por facer ciencia nun mundo masculino. Entre estas mulleres destacan a poetisa e astrónoma Wang Zhenyi, Jocely Bell Burnell, Caroline Herschel ou a galega Antonia Ferrín Moreira, autora da primeira tese en astronomía defendida por unha muller en España.
Estíbaliz Espinosa defendeu ante o alumnado a necesidade dunha divulgación científica en galego que nos axude a non perder nunca a curiosidade e evitar caer nas redes das pseudociencias, tan estendidas nos nosos días. Rematou a súa intervención animándonos a manter o compromiso co mundo e as ganas de cambiar o que non nos gusta nel.
RECREOS CIENTÍFICOS
Con moita ilusión estamos iniciando o Club de Ciencias do IES Maximino Romero de Lema. Unha das actividades que realizaremos será os Recreos Científicos que consistirá en amosar pequenos experimentos durante o recreo a todo o alumnado que queira achegarse. Velaquí tendes un cartel que elaboramos para informar e Jose, Antía e Fiorela tamén fixeron propaganda no encerado que temos na entrada.
