Fabricación dun electroscopio caseiro

 

Hoxe, 19 de xaneiro, o alumnado do Club de Ciencia dos grupos de 1º e 2º ESO, participou nunha actividade relacionada coas cargas presentes na materia. Primeiro fíxose un recordatorio da composición da materia e observaron como diferentes prendas de roupa poden estar formadas por diferentes substancias (lá, poliéster e acrílico). Segundo se empregue un material ou outro pódese obter cargas de diferente signo, por exemplo fretándoas cun globo. Foi moi interesante observar como o fretar o globo cunha chaqueta de lá podía atraer o pelo ou incluso púidose separar a pementa do sal pola atracción que o globo xera sobre ela. Para rematar esta actividade elaborouse un electroscopio caseiro empregando materiais cotiás: frasco de vidro con tapa, arame, papel de aluminio e plastilina.

Deseño dunha casa de paxaros

 

Hoxe, 19 de xaneiro, o alumnado do Club de Ciencia dos grupos de 3º, 4º ESO e bacharelato, participou nunha actividade na que se lles propoñía deseñar unha casa para paxaros. Mediante o emprego dun programa informático, deseñaron as diferentes pezas que a constitúen. Despois de rematar o deseño procederon a elixir o material máis adecuado para a seu corte e montaxe. Coa cortadora láser e nunha lámina de madeira, cortáronse as pezas e posteriormente fóronse pegando ata rematar a montaxe. Pódese ver nas imaxes o proceso e o resultado final. O obxectivo da actividade é, unha vez rematada a casiña, colocala nunha árbore para observar se se produce nela o aniñamento dalgunha ave.

TALLER DE CONTOS CIENTÍFICOS

CONTOS CIENTÍFICOS

O alumnado de 3º ESO e o de FPB II participaron nun taller, coa colaboración do Club de Ciencia e o equipo de Dinamización Lingüística, no que tiñan que elaborar un conto empregando o vocabulario científico aprendido neste primeiro trimestre, palabras como: álxebra, polinomio, igualación, bureta, elemento, Copernicio, átomo ou orbital son as elexidas polo alumnado para a elaboración das diferentes historias científicas. A primeira tarefa a que se enfrontaron foi a creación dun minilibro mediante papiroflexia. Unha vez superada esta etapa, o seguinte paso foi a creación do conto empregando as palabras antes mencionadas. A portada co seu título e a contraportada coa firma do autor da obra literia creada no taller foron os primeros pasos que tiveron que superar ata rematar a historia escribindoa en todas as páxinas do minilibro. 

Foi unha actividade diferente na que as letras e as ciencias traballaron xuntas, moi motivadora e interesante para o alumnado participante. Pódese observar o resultado nas seguintes imaxes.

ACTIVIDADE DE INVESTIGACIÓN

 

Hoxe, 11 de decembro, o alumnado de 3º ESO traballou co KIT enxeñeria de astronaves do CAFI para levar a cabo unha actividade de investigación. A xornada foi moi emocionante para o alumnado xa que puideron levar a cabo diferentes ensaios con diversos materiais e aplicar os coñecementos adquiridos na aula para o desenvolvemento da experiencia.

Motor eléctrico segunda reunión

 MOTOR ELÉCTRICO

Hoxe, 1 de decembro, o alumnado pertencente o Club de Ciencias dos cursos de 1º e 2º ESO, participou nunh actividade que consiste na elaboración dun motor eléctrico. Para poder elaborar este motor só necesitamos. un imán, soporte a medida feito coa impresora 3 D, fío de cobre, pila e uns cables para rematar a conexión. Pódedes observar nas imaxes o resultado obtido.

E-TÉXTIL segunda reunión

 

 ELABORACIÓN DUN BROCHE CON FORMA DE RUDOLPH CON LUZ

Hoxe, 1 de decembro, o alumnado pertencente o Club de Ciencias dos cursos de 3º, 4º ESO e Bacharelato, participaron nunha actividade que consiste na elaboración dun broche con forma de Rudolph con luz. Para poder elaborar este broche só necesitamos: feltro de cores, fíos de cores e condutor, unhas agullas, un prendedor, pilas e portapilas. Pódedes observar nas imaxes o resultado obtido. 

SEMANA DA CIENCIA

VISUALIZACIÓN DAS PROPIEDADES DUN FERROFLUIDO

Hoxe, 21 de novembro, o Club de Ciencias realizou unha actividade de demostración, baseada nas propiedades dos fluidos ferromagnéticos (inestabilidade de Rosensweig), dentro das actividades desenvolvidas co gallo da Celebración da Semana da Ciencia en galego.  

Materiais:

• 10 ml de ferrofluido (non se empregou todo o volume)

• 2 placas de petri

• Imán de neodimio-hierro-boro N52 40x40x20mm

• Imán de neodimio-hierro-boro N52 20x10mm

• Soportes de plástico en forma de U (x2)

• Parafuso de acero zincado 50x10mm

Desenvolvemento:

Colocase o imán de NdFB mais grande debaixo da peza de plástico en forma de U, e sobre esta a placa de petri (para evitar pousar directamente sobre o imán).

Vertemos cun goteiro pouco a pouco gotas de ferrofluido ata obter unha superficie aproximada de 3-4cm de diámetro.

Observaranse pequenas crestas que se forman na superficie do fluído, con altitude e separación entre elas variable en función da distancia o imán.

Explicación:

Un fluído ferromagnético compórtase coma un líquido normal cando non está sometido a perturbacións externas. Cando a gravidade e a tensión superficial son compensadas polo campo magnético, os dipolos das partículas do fluído alinéanse co campo, formando estructuras de tipo picos e vales.

As liñas de fluxo de campo magnético concéntranse nos picos. Cando incrementamos a forza magnética, increméntase o número de picos e diminue a separación entre eles.

Este fenómeno é coñecido como inestabilidade de Rosensweig.