NADAL NO IES CON MATERIAIS DE REFUGALLO

O alumnado da ESO en colaboración co Equipo da Biblioteca e do Club de Ciencia desenvolveu unhas actividades de reciclaxe que permitiron a ambientación da entrada do Centro para este Nadal empregando material de refugallo. Mediante o uso de cartóns, caixas de polispán, luces de nadal, portapilas, pilas ou plásticos o alumnado conseguiu crear figuras incribles que alumearon o Nadal no noso centro educativo. Só precisaron un toque de cor e a creatividade do alumnado. Pódese observar nas seguintes imaxes o resultado obtido.

DESEÑO DUNHA BOLSA DE TEA PARA LIBROS

 

Os membros do Club de Lectura, en colaboración co Club de Ciencia, levaron a cabo unha actividade de reciclaxe que consistía na confección de bolsas de tea para libros empregando a máquina de coser de Polos Creativos. Na actividade utilizáronse restos de teas e retais que trouxeron da casa. Pódese ver o proceso e o resultado do traballo do alumnado nas seguintes imaxes.

ACTIVIDADE DE INVESTIGACIÓN

 

Hoxe, 11 de decembro, o alumnado de 3º ESO traballou co KIT enxeñeria de astronaves do CAFI para levar a cabo unha actividade de investigación. A xornada foi moi emocionante para o alumnado xa que puideron levar a cabo diferentes ensaios con diversos materiais e aplicar os coñecementos adquiridos na aula para o desenvolvemento da experiencia.

Motor eléctrico segunda reunión

 MOTOR ELÉCTRICO

Hoxe, 1 de decembro, o alumnado pertencente o Club de Ciencias dos cursos de 1º e 2º ESO, participou nunh actividade que consiste na elaboración dun motor eléctrico. Para poder elaborar este motor só necesitamos. un imán, soporte a medida feito coa impresora 3 D, fío de cobre, pila e uns cables para rematar a conexión. Pódedes observar nas imaxes o resultado obtido.

E-TÉXTIL segunda reunión

 

 ELABORACIÓN DUN BROCHE CON FORMA DE RUDOLPH CON LUZ

Hoxe, 1 de decembro, o alumnado pertencente o Club de Ciencias dos cursos de 3º, 4º ESO e Bacharelato, participaron nunha actividade que consiste na elaboración dun broche con forma de Rudolph con luz. Para poder elaborar este broche só necesitamos: feltro de cores, fíos de cores e condutor, unhas agullas, un prendedor, pilas e portapilas. Pódedes observar nas imaxes o resultado obtido.