RECICLAXE PARA NON CONTAMINAR
Na mañá de hoxe, o noso alumnado de 4º da ESO participou no programa escolar sobre Economía Circular da Deputación da Coruña. María Calvo, de Arenaria Coordinación, fixolles ver, a través de distintos exemplos tirados do día a día, como na actualidade vivimos nunha economía lineal (producir, usar e tirar) é que necesariamente debemos substituíla por unha circular poñendo en valor as 7R: un modelo de produción e consumo que implica compartir, alugar, reutilizar, reparar, renovar e reciclar materiais e produtos existentes todas as veces que sexa posible para estender o ciclo da vida dos produtos e, sobre todo, para reducir a toneladas de residuos que se xeran e o impacto que todo o proceso de fabricación implica.
Economía circular, xestión sostible, biorresiduos, residuos téxtiles ou microplásticos foron algúns dos termos aclarados durante a charla. Na segunda parte da charla María centrouse en como poñer en marcha a economía circular a nivel local a través de novo de distintos exemplos como pode ser a recomendación de produtos locais e de tempada para evitar os residuos asociados á importación de produtos.
A cultura de usar e tirar ten un impacto directo non xa na pegada de carbono,senón na sobreexplotación de recursos do planeta. Como María afirmou “O único residuo que non se xera é aquel que non se produce” ou “ É residuo todos aquilo que xa está fabricado para o seu uso”. Queden aquí estas dúas afirmación para que cada un/unha de nós reflexione sobre os seus hábitos de consumo e en que podemos cambiar para protexer o noso planeta.
Deixamos aquí un gráfico das 7R e un vídeo no que se explica a economía circular para quen desexe estar ben informado.
No hay comentarios:
Publicar un comentario