OBRADOIRO DE ROBÓTICA IMPARTIDO

 POLO ALUMNADO DE INICIACIÓN Á PROGRAMACIÓN DE 2ºESO

Outra actividade do club desenvolvida durante Semana Cultural foi un obradoiro de robótica que impartiu o alumnado de 2º da ESO de Iniciación á programaciónca ao resto de compañeiros/as . Cada alumno fixo de monitor dun/dunha compañeiro/a d. Para iso utilizáronse uns robots móbiles programables cunha tarxeta Arduino UNO construídos polo alumnado de 4ºESO.

O obradoiro consistiu en programar o robot móbil para que seguise uns percorridos determinados en forma de figuras xeométricas. Para programalos utilizouse unha contorna de programación baseada en  Scratch chamada mBlock, e unha extensión propia creada no noso centro chamada Movebot cos seguintes bloques.

    O obradoiro foi un éxito e gustou moito, e os monitores fixérono realmente ben!! Velaquí podedes ver unhas imaxes dun dos robots

CITAS CIENTÍFICAS NOS CORREDORES

O alumando de 3º ESO elixiu frases científicas extraídas do libro Cosmos de Carl Sagan. Velaquí tendes algunhas delas.

 

                                         OBRADOIRO DE DESEÑO E IMPRESIÓN EN 3D

 

Onte venres, entre as actividades da Semana Cultural do Centro, o alumnado de 1º curso de Ciclo Medio de Sistemas Microinformáticos e Redes participou nun obradoiro de Deseño e impresión en 3D impartido por Marta Diz Alonso, profesora do Departamento de Informática do noso centro.

No obradoiro tratouse a relevancia do deseño e impresión 3D na actualidade en ámbitos como educación, sanidade, industria, arquitectura, etc. Explicouse o funcionamento das impresoras 3D de deposición de material fundido, analizando as impresoras que temos no centro: Crealite Ender 3 Pro e a Prusa MK3S. Profundouse nos diferentes tipos de materiais de impresión 3D e no proceso de deseño e impresión dun modelo.

Para rematar o obradoiro, o alumnado deseñou un chaveiro co seu nome.

 

 

 

 

 SECHER, PROTAGONISTA NO TABOLEIRO DE MATEMÁTICAS

    O artista holandés Escher é o protagonistas da última exposición que acolle este ano o taboleiro de Matemáticas. 

    Este popular artista foi admirado primeiro admirado por matemáticos e científicos antes de obter o recoñecemento dos críticos da arte. Non hai dúbida da influencia da matemática na súa obra, sobre todo dalgúns elementos xeométricos. 

Observade ben o taboleiro e a ver se recoñecedes algunhas das aplicacións xeométricas que utilizou nas obras que aí aparecen. Irédesvos percatando de que as matemáticas abarcan un amplio contexto e que non se limitan só a números e operacións. Nesta exposición concreta ensinanos a relación directa entre matemáticas e arte.

Ademais para complementar realizamos tetraedos e caleidociclos en papel.