Reto 1. As raíces do vidro

 

Xa temos que afrontar o primeiro reto da GeneraciónECO e xira arredor do vidro.   Este ano, 2022, foi declarado pola ONU Ano Internacional do Vidro para destacar a importancia deste material que forma parte da nosa vida diaria. Este primeiro reto pretende que tomemos conciencia da problemática na elaboración do vidro que utilizamos centrándonos na súa xeración, no impacto que ten no medio e os múltiples usos que se lle poden dar a este material dándolle o alto valor que ten.

Cando depositamos un envase de vidro no iglú verde poñemos en marcha o seguinte círculo  perfecto. Fíxate nas fases desde que o depositamos no colector ata que se converte nun novo.

 

Animámosvos a todos e a todas a darlle voltas á cabeza para afrontar este primeiro reto.

Taboleiro Matemático _Samaín

Durante estas datas podedes observar no taboleiro científico figuras feitas no obradoiro de origami ( meiga, pantasma e morcego) , caleidociclos e ilusións ópticas. Ditas figuras empregan unha gran variedade de conceptos xeométricos e fomentan a capacidade espacial, xeométrica, abstracta... en total,
fomentan o uso das matemáticas máis alá dun libro e un caderno.










 

Un Samaín cheo de xogos matemáticos

Aproveitamos a celebración do Samaín para exercitar a nosa mente matematicamente a través da papiroflexia e doutros xogos matemáticos.

O noso Centro forma parte da GeneraciónECO a través do Club de Ciencia!

 Este curso escolar o noso Centro participará do Proxecto Educativo “GeneraciónECO” de Ecovidrio.  E que significa isto? Pois que dende o Club de Ciencia seguiremos traballando para conseguir un mundo máis sostible involucrando o alumnado, profesorado e , incluso, as familias. Afrontaremos cada un dos retos sostibles que cada mes se lanzará desde Ecovidrio, unha entidade a nivel estatal sen ánimo de lucro e avalada pola Xunta de Galicia. Estes retos son de sensibilización e de redución real do impacto da pegada hídrica e de carbono. Nós intentaremos superalos positivamente porque estamos comprometidos/as co medio ambiente e, sobre todo, porque estamos convencidos de que son as pequenas accións as que cambian o mundo.

No vídeo de arriba tendes información sobre o vidro e o se proceso de reciclaxe. Aquí embaixo deixámosvos os pasos a seguir para completar os distintos retos. Animamos a toda a Comunidade Educativa a participar nos mesmos.

Un taller de ilusións ópticas polo Samaín

O club de Ciencias celebra o Samaín cun taller de ilusións ópticas

Durante o recreo de hoxe o Club de Ciencias impartiu a quen quixo achegarse á biblioteca un taller de ilusións ópticas que tivo como consecuencia que varias pantasmas non deixasen de observarnos durante toda a semana mentres liamos. Que medo!!!

Pero non vos preocupedes.... en realidade é unha ilusión capaz de enganar o noso cerebro usando como medio a percepción virtual: ao miralo desde distintos ángulos dá a impresión mediante un efecto óptico de que te segue coa mirada. Así que lembrade: as pantasmas non nos observan....ou si???

PROXECTO ESTATÍSTICO

    Durante o presente curso estamos a facer dous proxectos estatísticos relacionados coa xerminación de semente. No primeiro, faremos xerminar lentellas e millo e iremos tomamos datos para analizar o resultado estatisticamente.