DEFENDEMOS OS PENEDOS DE TRABA E PASARELA
O pasado venres, o alumnado de 3º ESO realizou unha saída didáctica para coñecer os Penedos de Traba e Pasarela e protestar contra a instalación dun parque eólico nunha das Paisaxes Naturais Protexidas máis emblemáticas da Costa da Morte.
Despois de estudar na aula a formación e os valores científicos e culturais desta paisaxe granítica única no mundo, o alumnado tivo a oportunidade de coñecer in situ os penedos máis singulares e subir ata a Torre da Moa, desde onde puideron gozar das impresionantes vistas da Lagoa e o areal de Traba.
Tamén recitamos poesía ao pé da pedra multiforme e fixemos un safari fotográfico .
Rematamos a nosa viaxe nas dunas e na praia de Traba , onde refrescamos os pés nas augas deste mar bravo que desta vez estaba en calma.
No hay comentarios:
Publicar un comentario