ESTUDO DE REACCIÓNS ENZIMÁTICAS

 A CATALASA DA PATACA

      Na reunión do Club de Ciencia, o alumnado de 2º e 3º ESO traballou sobre a catalise enzimática. Os monitores, Joel Rellán e Leticia que traballaron sobre este tema para presentar un vídeo o concurso Petiscos de Ciencia 2024, explicaron os demais compañeiros do Club de Ciencia como estudar a acción catalítica da catalasa, un enzima presente na pataca, e a modificación da súa actividade segundo as condicións da reacción (temperatura e pH). Os enzimas son biocatalizadores que serven para acelerar procesos, son substancias de natureza proteica que catalizan reaccións químicas sempre que sean termodinámicamente favorables. Unha vez rematada a reacción química recupéranse sen alterarse. A catálise prodúcese mediante unha baixada na enerxía de activación da reacción. Sen embargo, son moi sensibles a cambios de pH e temperatura, pois perden a súa estrutura e xa non son capaces de realizar a catálise.

A catalasa acelera a reacción da disociación do peróxido de hidróxeno en auga e osíxeno.

Pódese comprobar no vídeo como a pataca crúa, presenta o enzima activa é reacciona rapidamente co peróxido de hidróxeno. Se a reacción ocorre en medio ácido (na presenza de zume de limón) non reacciona xa que o enzima atopase inactivada. No caso de que a pataca se atope cocida a reacción co peróxido de hidróxeno, non se produce. A temperatura a que se coceu a pataca provocou a desnaturalización das proteínas e polo tanto a inactivación do enzima. Isto provoca que non se produza a reacción co peróxido de hidróxeno.