FEIRA CIENTÍFICA

  PARTICIPAMOS NA ROMERÍA CIENTÍFICA

 

O Club de Ciencias participou o pasado 10 de maio no XXIX Día da Ciencia na Rúa,  celebrada no parque de Santa Margarida da Coruña, arredor da Casa das Ciencias, onde se sitúa o núcleo fundamental desta romaría científica.

Un grupo de alumnos e alumnas de 3º e 4º de ESO, e de 1º Bacharelato pertencentes ao Club de Ciencia, atenderon un stand no que se ofrecían distintas actividades relacionadas coa ciencia: xogos matemáticos, extracción de ADN, explicación do ciclo vital dos vermes de seda e elaboración de perfumes caseiros, ou de slime.

Así mesmo, puidemos ensinarlles ás persoas que pasaron pola nosa caseta pequenos experimentos científicos baseados na tensión superficial, capilaridade e electricidade.

Unha xornada chea de novas experiencias na que representantes do noso club tiveron a oportunidade de presentar algunhas das actividades e experimentos realizados durante o curso, ante un público que se amosou moi interesado ante a experiencia compartida. dende o stand do Club de Ciencia do IES Maximino Romero de Lema.

Parabéns a todos e a todas por representarnos tan ben neste marabilloso día científico!