Reunión terceiro trimestre

 

EXPERIMENTANDO COS PIGMENTOS VEXETAIS: ANTOTIPIA 

O luns 26 de maio, o alumnado do Club de Ciencia de 1º e 4º participou nun taller que consistía en extraer os pigmentos vexetais das prantas: follas das árbores, lombarda e da remolacha. Unha vez extraído o pigmento, procederon a aplicar a técnica fotográfica da antotipia. Esta técnica consiste en tinguir un papel de acuarela sobre o que se colocaran elementos decorativos como: frores secas, papeis ou cordas a. O obxectivo é que haxa zonas nas que incida a luz sobre o papel e zonas nas que non poida incidir. os pigmentos naturais son fotosensibles, por iso na zona na que lle da o sol vai perder coloración mentres que nas zonas nas que non lle da quedará a silueta do obxecto.

Podedes ver nas fotografías tanto o proceso como o resultado obtido.