Reunión terceiro trimestre

 

A MAXIA DA ÓPTICA

O luns 26 de maio, o alumnado do Club de Ciencia de 1º, 2º e 3º ESO participou nunha actividade de óptica. Durante a actividade o alumnado puido comprender o funcionamento do ollo humán, é dicir, como a luz reflectida nos obxectos entra pola pupila sofre a reflexión inicial na córnea e pasa polo cristalino que enfoca a luz na retina. Nela, uns fotoreceptores son os responsables en transformar a luz en sinais eléctricas, que viaxarán a través do nervio óptico ata o cerebro. Isto permitiu comentar as patoloxías máis comúns do ollo (miopía, hipermetropía e astigmatismo) así como o concepto de potencia dunha lente ou dioptrías. Mediante a utilización dun Kit de óptica formado por tres láseres paralelos, uns trasportador e as lentes (unha converxente e outra diverxente) puidose explicar como se corrixen estas patoloxías. Tamén traballouse con outros instrumentos ópticos como as lupas, os telescopios e os espellos curvos. Para rematar a xornada comprobouse o comportamento dos feixes de láseres sobre prismas cadrados, prismas triangulares, espellos planos e láminas polarizadas.   A xornada rematou cuns xogos de lóxica.