SOLUCIÓN_ VI RETO CIENTÍFICO

    Claudia Lema Rial descobre a solución que ela lanzou hai tres días. É a mesma cá vosa?

 VII RETO_MES DA CIENCIA EN GALEGO

        José Pereira Mato lanza o sétimo e último reto dende o Club de Ciencias para conmemorar o Mes da Ciencia en Galego. 

        Sodes moitos os/as que participastes ata o momento e ademais con respostas acertadas. Polo tanto atendende a este último reto. En caso de que todos/as acertedes de novo, darémosvos un pequeno agasallo por participar nesta I Edición de Retos Científicos.

 

MATEMAXIA

              Dentro do marco das actividades para celebrar o Mes da Ciencia en Galego, hoxe no primeiro recreo realizamos un taller de matemaxia. Os nosos magos foron Yago e Manuel, alumnos de 4º da ESO, que nos días previos estiveron preparando a fondo o espectáculo co profesorado de Matemáticas.

O público quedou encantado co show máxico e aprenderon aspectos interesantes sobre matemáticas e dalgunhas das mulleres máis destacadas nesta disciplina.

 SOLUCIÓN_ V RETO CIENTÍFICO

Alba Regueira Bugallo resolve o reto lanzado por ela. Coincide coa vosa solución?

 

 VI RETO_MES DA CIENCIA EN GALEGO

        Claudia Lema Rial é a encargada de lanzar o penúltimo reto deste Mes da Ciencia en Galego. Escoitade que é dos máis fáciles e enviade a vosa resposta rapidamente ao correo: clubcienciasbaio@gmail.com

 

 O QUE APRENDEMOS COA PANDEMIA

                    O alumnado de 4º da ESO escoitou a videoconferencia O que aprendemos da pademia impartida desde Houston por Sonia Villapol, un exemplo de científica galega na loita contra a Covid, e organizada a través de Igaciencia para celebrar o Mes da Ciencia en Galego.

              A científica lucense, empezou contando a súa experiencia laboral e o seu traballo no laboratorio Center for Neuroregeneration del Methodist Hospital Research Institute de Texas, no que se dedican a buscar as causas dos danos cerebrais co obxectivo de atopar tratamentos adecuados para certas enfermidades.  Debido á pandemia actual centraron o seu labor en estudar as consecuencias da COVID no cerebro e no sistema gastrointestinal, e a persistencia do virus. 

            A investigadora comentou que intenta deixar unha pegada nas persoas que pasan polo seu laboratorio para guíalos na súa carreira científica. Explicou que as principais calidades para alguén que queira ser investigador/a son presentar unha mente aberta, autocrítica para corrixir os erros e busca da inspiración sen perder a ilusión. Ademais de non ter medo, constancia no traballo e non parar nunca de aprender.

              Xa centrada no tema da conferencia subliñou a importancia de non esquecer o que pasou, de aprender dos erros para estar máis preparados no caso de que volva a suceder, da loita contra a desinformación (fake news) que levaron a moitas persoas a contaxios; pero, sobre todo, centrouse no que se aprendeu: distancias de seguridade, a importancia da ventilación,  os síntomas persistentes, o coidado da saúde física….

              Destacou outros aspectos da pandemia como o de que non afectou por igual a todas as clases sociais ou como houbo persoas que se benefician do medo alleo ou a repercusión na saúde mental, sobre todo, entre a xuventude no que se incrementou o número de afectados por depresión.

              Por último sinalou que o esencial nestas situacións é a colaboración, a concienciación e o investimento económico na investigación para poder avanzar no desenvolvemento dos tratamentos.

               Cando rematou a videoconferencia, a modo de conclusión, tivemos un breve tempo para realizar unha reflexión en grupo  dos aspectos que máis lles interesaron.

 SOLUCIÓN_ IV RETO CIENTÍFICO

 Lola Cumprido explica a solución do IV reto científico que ela lanzou hai tres días. Unha vez máis comprobade se coincide coa que vós propoñestes!